Bashkia Shkodër dhe Qendra Kulturore “Pjetër Gaci” – Shkodër organizojnë edicionin e 25-të të Çmimit Ndërkombëtar për Interpretues të Rinj të Muzikës Klasike “Pjetër Gaci”. Konkursi do të zhvillohet në datat 20–23 maj 2026.

Ky aktivitet është i hapur për interpretues me aftësi solistike nga mosha 7 deri 23 vjeç, nga Shqipëria dhe jashtë saj, të ndara në kategori sipas grup-moshave në specialitetet: piano; harqe; instrumentet e drunjta dhe të tunxhit; kitarë; fizarmonikë dhe kanto.

I gjithë konkurrimi do zhvillohet në skenën e Teatrit “Migjeni”.

Ceremonia e hapjes do të zhvillohet me datën 20 maj 2026 ora 09.30 në Teatrin “Migjeni”.

Koncerti final me interpretuesit më të mirë nga ku do të dalin fituesit e çmimeve të mëdha do të jetë me datën 23 maj 2026 ora 19:00.

Informacionin mbi rregulloren, regjistrimin, anëtaret e jurive, datat dhe oraret konkurrimit, si dhe detaje të tjera, do ti gjeni në faqen tonë të internetit www.pjetergaci.al në ditët në vijim.

Risia e këtij edicioni është se të gjithë konkurrentëve do t’u jepet certifikatë pjesëmarrjeje, pa u vlerësuar me pikë. Fituesve të secilës kategori do t’u ndahen çmime.

Në koncertin final, i cili ndërtohet me fituesit e përzgjedhur nga secila kategori, do të garohet për tre çmimet e mëdha.

Grupi realizues i konkursit:

Drejtor Artistik: Lorenc Radovani
Drejtor Organizativ: Dritan Mlika
Konsulent Artistik: Bardhyl Hysa
Koordinatore: Kristi Ndoja
Sekretaria: Gjovalin Ndoja